हे बरे झाले, देवा,
दिला अंधार तू इतका मला....
वाट माझी शोधावया,
झालो मी स्वतः दिवा...!
काटेरी वाटेवरूनी मी,
चाललो एकटा असा....
स्वतःच बनलो ऊर्जा,
अन् झालो मी माझा सखा !
हे बरे झाले, देवा,
दिला अंधार तू इतका मला....
एक ठिणगी आंत माझ्या,
लागली उजळायला !
या प्रवासाची दिशा,
आता नको बदलायला,
जन्म जावा लागतो
ही सार्थता समजायला.
नाकारले जाण्यातला
दर्द ज्याने ओळखला,
रिते होण्यातला आनंदही
त्यालाचच हो, उमगला !
प्रेमातही अन् द्वेषातही,
माझा जीव होता अडकला,
मीच केले मोकळे,
त्यांना ही, आणि स्वतः ला !
✍ सुजाता
No comments:
Post a Comment