मूळ कविता अमृता प्रितम यांची
"मै तनु फिर मिलांगी".....
याचा स्वैर अनुवाद
मी तुला पुन्हा भेटेन.....
कसं, कधी माहित नाही,
पण मी तुला पुन्हा भेटेन.....!
लुकलुकणार्या तार्यांमधून, थंडगार वाऱ्यामधून, मी तुला पुन्हा भेटेन.
सुर्यकिरण बनून तुला कवेत घेईन,
तुषार बनून लपेटून घेईन....
पक्षांमधून ऐकू येईल माझाच आवाज,
अन् समुद्राच्या लाटांमधून माझीच गाज.
मी तुला पुन्हा भेटेन.
बाकी काही ठाऊक नाही,
इतकंच माहितेय,
काळ जे काही करेल,
या जन्मी माझ्याबरोबर राहिल !
हा जन्म संपताच, सारे काही संपेल.....
पण मी आठवणींचे धागे गुंफेन,
आणि तुला पुन्हा भेटेन.
कधी, कसं माहित नाही,
पण मी तुला पुन्हा भेटेन,
मी तुला पुन्हा भेटेन.....!
✍️ सुजाता.
No comments:
Post a Comment