भक्तिमार्ग

कर्मयोग भासे कठीण.....

कसे करावे प्रत्येक कर्म,  ईश्वरार्पण...?

प्रत्येक कर्म करताना चिंता काळजी न वाटणे ही एक खूण.

जळी स्थळी सर्व काळी परमेश्वर करतो रक्षण,

कर्मफलदाता ईश्वरच आहे हे पक्के जाण.

भरवसा ठेवता देवावर, येते निर्धास्तपण.

भूतकाळाची आठवण,भविषयाचे चिंतन हेंच दुःखाचे खरे कारण ॥

करता नामाचे अखंड स्मरण,

भक्तिमार्ग आचरावा आपण !

भक्तिमार्गाचे करता अनुसरण,

होईल शुद्ध,  अंतःकरण...

आणि स्व- स्वरूपाची येईल जाण !!

✍️ सुजाता