नाती

नाती बदलत जाती ...

जी सतत बदलतात ना , 

ती नाती ....

ऋतु बदलतात , 

Callander वरची पानेही बदलतात ,

मग नाती बदलली तर एवढी खळखळ कशाला ?

ऋणानुबंधाच्या गांठी ,

कधी नव्याने जुळतात , कधी बांधलेल्या सुटतात ,

तर कधी जुन्याच नात्यांचे पीळ बदलतात.

नातीच ना ती , बदलणारच !

रस्तासुद्धा सरळसोट असला तर एकसूरी होऊन जातो ,

थोडी वळणं , थोडे चढउतार वाटचाल सुसह्य करतात 

नदीसारखी नातीही वळणं घेत , चढ़त उतरत ,

पुढेपुढे सरकावी लागतात.,

नाहीतर ती कांचतात , कुजतात.

धागे उभे आडवे , काही घट्ट काही पीळदार ,

काही सैलसर , space देणारे ,

आयुष्याचं वस्त्र जरतारी करतात !

- -  ✍️ सुजाता