स्वत:ला Super Woman मानू नकोस ग,
उरापोटी धावू नकोस ग...
तू अभ्यास नै घेतलास,
म्हणून मुलं नापास होणार नैत....
एक दिवस स्वैपाकाला सुट्टी दिलीस,
तरी उपाशी मुळीच झोपणार नैत !
तू लक्ष दिलं नैस,तर कोणाचंच
काही अडणार नाही...!
पण तू दुर्लक्ष केलंस,
तर मात्र मुकशील,
या मुक्त वाऱ्याला, धुंद चांदण्याला,
पक्ष्यांच्या गोड किलबिलाटाला....
आणि हो, स्वत:च्या अस्तित्वाला ही !!
✍️ सुजाता
No comments:
Post a Comment