आठवणी

तू माझ्या सह कधी राहिलाच नाहीस,

त्यामुळे सोडून जाण्याचा प्रश्नच नाही....

माझ्याकडे तुझी कोणतीही वस्तू नाही,

जी हरवण्याची भिती नाही ! 

माझ्या जवळ तुझा फोटोही नाही,

त्यामुळे फाटण्याचा प्रश्नच नाही.

मी ओठांवर तुझं कधी नाव येऊ दिलं नाही,

त्यामुळे कोणी ऐकण्याची भिती नाही !

माझं प्रेम मी तुलासुद्धा जाणवू दिलं नाही,

तुला आवडण्या न आवडण्याचाही प्रश्न नाही.....

माझ्याजवळ फक्त तुझ्या आठवणी आहेत,

ज्या पुसट होण्याची भिती नाही.....

अन् त्या क्षणांच्या साठवणी आहेत,

ज्या कधीही संपणार नाहीत.....!!

✍️ सुजाता